• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں پیپلزپارٹی کی تقسیم سرفراز بگٹی کی سازش تھی ،عارف محمد حسنی

میرا شہر
کوئٹہ
26 مارچ ، 2025
کوئٹہ(این این آئی) پاکستان پیپلزپارٹی کے مرکزی رہنماء سابق صوبائی وزیر میر محمد عارف محمد حسنی نے کہا ہے کہ پیپلزپارٹی بلوچستان کی ساکھ صوبائی حکومت کی غلط پالیسیوں کی وجہ سے دن بدن خراب ہوتی جارہی ہے عید کے بعد پارٹی کے ہم خیال عہدیداران و کارکنان کے ساتھ مل کر صوبائی حکومت کی غلط پالیسیوں پر آئندہ احتجاج کا اعلان کرینگے۔یہاں جاری ہونے والے ایک بیان میں میرمحمد عارف محمد حسنی نے کہا کہ صوبائی حکومت کرپشن ، بد عنوانی، بد امنی کی روک تھام میں بری طرح ناکام ہوچکی ہے،پیپلزپارٹی بلوچستان کو گروپ بندی میں تقسیم کرنے میں وزیراعلیٰ بلوچستان سرفراز بگٹی کی سازش تھی۔انہوں نے کہا کہ وزیراعلیٰ نے پہلے صوبائی صدر چنگیز جمالی ، جنرل سیکرٹری لالا روزی خان کاکڑ کو فنڈز اس بناء پر جاری کئے کہ یہ آپ اپنے اپنے حلقوں میں خرچ کریں پھر سرفراز نے پارٹی کے عہدیداران میں تضاد پھیلاتے ہوئے کہا کہ یہ فنڈز میں نے ضلعوں کے لئے جاری کئے جس کے باعث پارٹی میں انتشار پھیل گیا اور اب پارٹی کئی گروپس میں تقسیم ہوچکی ہے جس کا نقصان تمام پارٹی کے عہدیدران و کارکنان کو اٹھانا پڑھ رہا ہے۔انہوں نے کہا کہ وزیراعلیٰ نے پیپلزپارٹی بلوچستان کو تباہی کے دہانے پر پہنچا دیا ہے۔انہوں نے کہا کہ کارکنان و عہدیداران کے سامنے بہت جلدپارٹی کو نقصان پہنچانے والوں کا چہرہ بے نقاب ہوجائیگا۔
کوئٹہ سے مزید