فرمان الہی
نماز کے اوقات
کراچی(نیوزڈیسک)ماہر ارضیات کا کہنا ہے کہ میانمار میں آنے والے زلزلے سے 334 ایٹم بموں کے مساوی توانائی پیدا ہوئی۔سی این این کے کرس لاؤ کی رپورٹ کے مطابق ماہر ارضیات نے بتایا کہ جمعے کے روز میانمار میں آنے والے 7.7 شدت کے زلزلے سے 300سے زائد ایٹم بم دھماکوں کے برابر توانائی پیدا ہوئی۔جیس فینکس نے ’امریکی میڈیاکو بتایا کہ اس طرح کے زلزلے سے تقریباً 334ایٹم بم نکلتے ہیں، انہوں نے خبردار کیا کہ زلزلے کے جھٹکے چند ماہ تک جاری رہ سکتے ہیں، کیوں کہ بھارتی ٹیکٹونک پلیٹ میانمار کے نیچے یوریشین پلیٹ سے ٹکرارہی ہے۔جیس فینکس نے کہا کہ میانمار میں تباہی ملک کی خانہ جنگی سے بدتر ہوگی۔انہوں نے کہا کہ عام طور پر مشکل صورتحال تقریباً ناممکن ہو جاتی ہے۔میانمار 4 سال سے جاری خانہ جنگی کا شکار ہے، جس کا آغاز خونریز اور معاشی طور پر تباہ کن فوجی بغاوت کے نتیجے میں ہوا ہے، جس کے نتیجے میں افواج ملک بھر میں باغی گروہوں سے نبرد آزما ہیں۔
