فرمان الہی
نماز کے اوقات
اٹلی میں آتش فشاں ماؤنٹ ایٹنا نے پھر لاوا اگلنا شروع کر دیا۔
بین الاقوامی میڈیا کے مطابق ماؤنٹ ایٹنا کے جنوبی حصے سے لاوا اور راکھ نکلنا شروع ہو گئی ہے، لاوا نکلنے کا سلسلہ 3 ہزار 3 سو 57 میٹر یعنی 11 ہزار 14 فٹ بلندی پر جاری ہے۔
اٹلی کے سرکاری ادارے نیشنل انسٹیٹیوٹ آف جیو فزکس نے لاوا نکلنے کی تصدیق کی ہے۔
واضح رہے کہ 2 ماہ قبل بھی ماؤنٹ ایٹنا نے آتش فشاں پھٹنے کے بعد لاوا اگلا تھا۔
ماؤنٹ ایٹنا یورپ کا سب سے زیادہ متحرک رہنے والا آتش فشاں پہاڑ ہے جو اٹلی کے قریب جزیرہ سسلی کے مشرقی ساحل پر واقع ہے۔
امریکی جیولو جیکل سروے (یو ایس جی سی) کے مطابق یہ آتش فشاں مسلسل پھٹنے کے حوالے سے مشہور ہے۔
