فرمان الہی
نماز کے اوقات
سفارت خانہ پاکستان کے ویلفیئر کمیونٹی کونسلر آصف حمید کا کہنا ہے کہ اوورسیز نارویجن پاکستانی ہمارا غرور ہے، یہ جس شعبے میں بھی کام کریں ہیں پاکستان کا نام روشن کریں اور پاکستان کے جھنڈے کو بلند رکھیں۔
14 اگست کمیٹی ناروے کے زیر اہتمام پاکستان کے نامور بین الاقوامی شہرت یافتہ مصور کلیم شہریار، ناروے سے Tore Hogstvedt اور پاکستان سے Dure Shahwar کے ساتھ تقریب کا اہتمام کیا گیا۔
تقریب کا آغاز تلاوت قرآن پاک سے امام بزم نقشبند پروفیسر علامہ نصیر احمد نوری نے کیا اس کے بعد دونوں ملکوں کے قومی ترانے بجائے گے اور دو مشہور وی لاگر کی ناروے اور پاکستان پر بنائی ہوئی ڈاکو منٹری فلم دکھائی گئی۔
تقریب میں اسٹیج سیکرٹری کے فرائض شاہد جمیل نے سر انجام دیے، جبکہ سیاسی و سماجی رہنماؤں سمیت کمیونٹی کی بڑی تعداد نے شرکت کی۔
اس موقع پر عامر جاوید شیخ ویلفیئر کمیونٹی کونسلر آصف حمید بین الاقوامی مصور کلیم شہر یار دور شہوار، Tore Hogstvedt ، سینئیر سیاستدان چوہدری اطہر علی اور صوفی انور نے خطاب کیا۔
چیئرمین عامر جاوید شیخ نے کہا کہ اس میں کوئی شک نہیں کہ جب بھی پاکستان کو کسی قسم کی مدد کی ضرورت ہو ہمیں ہمیشہ حاضر پائیں گے۔
سفارت خانہ پاکستان کے ویلفیئر کمیونٹی کونسلر آصف حمید نے کہا کہ جب ہماری ایمبیسڈر کی کنگ ناروے سے ملاقات ہوئی تو انہوں نے کہا کہ پاکستانی نارویجن ہمارے لیے اثاثہ ہیں اور ناروے کی ترقی میں پاکستانیوں کا بہت ہاتھ ہے۔
آصف حمید نے کہا کہ آج 50 سال بعد ناروے میں چاہے ڈاکٹر کا شعبہ ہو انجینئر وکیل بزنس مین اور سیاستدان کا شعبہ ہو ہر جگہ آپ کو پاکستانی نظر آئیں گے اور ہم جب ڈپلومیٹک چینل پر جا کر بات چیت کرتے ہیں وہاں جب پاکستانیوں کی تعریف سنتے ہیں تو ہمیں بے حد خوشی ہوتی ہے۔
ویلفیئر کمیونٹی کونسلر آصف حمید نے مزید کہا کہ ہم ایمبیسڈر اور مختصر اسٹاف کے ساتھ ایک چھوٹی سی ایمبیسی میں ہوتے ہیں لیکن آپ سب پاکستان کے ایمبیسڈر ہیں اور پاکستان کا نام جس طرح پچھلے 50 سالوں سے روشن کر رہے ہیں اسی طرح اگے بھی 50 سو سال تک پاکستان کا نام روشن کرتے رہیں۔
