فرمان الہی
نماز کے اوقات
کراچی ( اسٹاف رپورٹر)صدر مملکت آصف علی زرداری کے ذاتی معالج ڈاکٹر عاصم حسین نے صدر مملکت کی صحت سے متعلق بتاتے ہوئے کہا کہ ان کی طبیعت بہت بہتر ہے، صدر زرداری بالکل ٹھیک ہیں، میڈیکلی فٹ ہیں،ڈاکٹر عاصم حسین نے کہا کہ صدر مملکت اپنی اسپتال سے فوٹیج جاری کرتے ہیں یا نہیں یہ انکا سیاسی فیصلہ ہے ۔سوشل میڈیا پر جو فوٹیجز چل رہی ہیں وہ سب جعلی ہیں۔ ۔ ہفتہ کو ضیا الدین اسپتال کلفٹن میں پریس کانفرنس سے خطاب کرتے ہوئے ڈاکٹر عاصم حسین نے کہا کہ مجھے افسوس ہے کہ صدر مملکت آصف علی زرداری کے حوالے سے سوشل میڈیا اور بھارتی چینل بے بنیاد خبریں چلا رہے،صدر مملکت آصف علی زرداری کی طبعیت کافی بہتر ہوگئی ہے ۔وہ کل یا ہرسوں اسپتال سے ڈسچارچ ہوجائیں گے ،ڈاکٹر عاصم نے کہا کہ صدر مملکت کے ٹیسٹ کیے تو معلوم ہوا کہ کورونا ہوا ہے، کچھ ایسی ادویات ہیں جو پاکستان میں دستیاب نہیں تھیں وہ منگوائیں، اب صدر کی طبعیت بہت بہتر ہے، انفیکشز ڈیزیز کے ماہرین کی جانب سے انہیں مسلسل چیک کیا جا رہا ہے، کورونا کے کیسز اب بھی آ رہے ہیں لیکن وہ اتنا خطرناک نہیں ہے۔ یہ پہلے جیسا کورونا نہیں، یہ کورونا کا ایک اور قسم کا ویرینٹ ہے، کورونا کا یہ ویرینٹ اتنا مہلک نہیں، اس کے اتنے منفی اثرات نہیں، کورونا کی اینٹی وائرل دوائیاں آگئی ہیں جو کافی مؤثر ہیں۔ڈاکٹر عاصم نے کہا کہ سیاسی مخالفین جو مرضی ہے کہتے رہیں ہم تو ہر چیز کو ٹوئسٹ دیتے ہیں، سیاسی مخالفین چاہے کوئی اچھا ہو یا بیمار ہر چیز پر ٹوئسٹ دیتے ہیں، بھارت تو ویسے ہی ہمارا دشمن ہے، پھر یہاں کا سوشل میڈیا بھارت کے سوشل میڈیا سے چیزیں اٹھاتا ہے، بھارتی سوشل میڈیا سے چیزیں اٹھا کر چلانا مناسب نہیں،بھارتی چینل اور سوشل میڈیا پر چلنے والی تصاویر جعلی اور خبریں واطلاعات غلط ہیں۔صدر مملکت آصف علی زرداری کی طعبیت کافی بہتر ہوگئی ہے ۔وہ کل یا ہرسوں اسپتال سے ڈسچارچ ہوجائیں گے،انھوں نے بتایا کہ ۔صدر مملکت گذشتہ ہفتہ کو اسلام آباد سے نواب شاہ گئے۔میں کراچی آ گیا تھا۔
