• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر مملکت کو اسلام آباد لے جانے کیلئے خصوصی طیارہ 6 دن سے کراچی میں موجود

آج کا اخبار
اہم خبریں
06 اپریل ، 2025
کراچی( افضل ندیم ڈوگر) صدر پاکستان آصف علی زرداری کو کراچی سے اسلام آباد لے جانے کیلئے خصوصی طیارہ 6دن سے کراچی کے جناح انٹرنیشنل ایئرپورٹ پر موجود ہے۔ "پاکستان ون" کے نام سے پاکستان ایئر فورس کا یہ طیارہ عام طور پر وزیراعظم پاکستان کے سفر کیلئے مخصوص ہے تاہم 29 مارچ کو صدر آصف علی زرداری عیدالفطر اپنے آبائی شہر نواب شاہ منانے کیلئے اسی طیارے میں اسلام آباد سے نواب شاہ پہنچے تھے۔ عید کی رات گئے صدر مملکت کی طبیعت خراب ہونے پر انہیں رات 4 بجے ہنگامی طور پر اسی طیارے میں کراچی منتقل کیا گیا تھا۔ جس کے بعد سے آصف علی زرداری مقامی اسپتال میں داخل اور زیر علاج ہیں ان کی طبیعت بہتر ہونے کا اعلان کیا گیا ہے۔ دو دن بعد ممکنہ طور پر اسپتال سے ڈسچارج ہونے پر آصف علی زرداری کو اسی طیارے سے اسلام آباد روانہ کیا جائے گا۔
اہم خبریں سے مزید