فرمان الہی
نماز کے اوقات
کراچی ( اسٹاف رپورٹر ) سندھ ہائی کورٹ نے کراچی ایئرپورٹ سے لاپتہ شہری کی بازیابی کی درخواست پر ایس ایچ او تھانہ ایئر پورٹ کو گمشدگی کا مقدمہ درج کرنے کا حکم دیدیا۔ ہائی کورٹ میں کراچی ایئرپورٹ سے لاپتہ شخص کی بازیابی کی درخواست کی سناعت ہوئی۔ درخواست گزار کے وکیل نے کہا کہ کاشف علی 27 مارچ کو بیرون ملک سفر کے لئے اپنی اہلیہ کے ہمراہ جناح ٹرمینل پہنچا تھا۔ قانون نافذ کرنے والوں نے کاشف علی اور اہلیہ کو جہاز سے آف لوڈ کیا۔ کاشف کی اہلیہ کو بعد ازاں چھوڑ دیا گیا۔ کاشف کی بازیابی کے لئے متعدد خطوط لکھے ہیں۔ لیکن کاشف کا کوئی سراغ نہیں مل سکا۔ ایئر پورٹ پولیس کاشف کی گمشدگی کا مقدمہ بھی درج نہیں کررہی۔ عدالت نے ریمارکس دیئے کہ مسنگ پرسن کیس سننے کے اختیارات آئینی بینچ کے پاس ہیں۔ یہ کیس آئینی بینچ کو ارسال کر رہے ہیں۔ عدالت نے ایس ایچ او تھانہ ایئر پورٹ کو گمشدگی کا مقدمہ درج کرنے کا حکم دیتے ہوئے درخواست آئینی بینچ کو بھیج دی۔
