فرمان الہی
نماز کے اوقات
کراچی(اسٹاف رپورٹر) قائد ملت جعفریہ پاکستان علامہ سید ساجد علی نقوی نے کہا ہےکہ اقبال کا فلسفہ خودی پیام اتحاد امت اور پیغام محبت رسولﷺ و آل رسول ﷺمشعل راہ ہیں افسوس علامہ اقبال نے جس پاکستان کاخواب دیکھا تھا وہ آج تک شرمندہ تعبیر نہیں ہوسکا ،ملک میں آئین کی حقیقی بالادستی اور قانون کی حکمرانی یقینی بناناہوگی، فلسفہ اقبال پر عمل ہوتا تو آج ملک میں امن و امان سمیت سیاسی و سماجی معاشی و معاشرتی لحاظ سے حالات یکسر مختلف ہوتے، آج کی داخلی و خارجی صورت حال میں فلسفہ اقبال سے سبق لینے کی ضرورت ہے، امت مسلمہ کی زبوں حالی اور مغرب کی جانب سے یلغار نے مختلف تہذیبوں،ثقافتوں اور معاشروں کو بھی تباہ کردیا ،موجودہ صورت حال میں جب تک امت مسلمہ ایک نہیں ہوگی اس وقت تک اسلامی دنیا مختلف مسائل اور چیلنجز کا سامنا کرتی رہے گی ، داخلی اور خارجہ پالسیز تک ہم مصلحتوں اور مجبوریوں کا شکار ہیں ،ملک کی ترقی خوشحالی اور پائیدار امن کے لئے آئین کی بالادستی اور قانون کی حکمرانی، جمہوری اقدار کا فروغ خودمختاری جسے معاملات لازمی جز ہیں۔
