• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں روزانہ تقریباً 4.75 ملین گیلن پانی ضائع ہو رہا ہے، احسن اقبال

آج کا اخبار
اہم خبریں
23 اپریل ، 2025
اسلام آباد( رپورٹ حنیف خالد) وفاقی وزیر منصوبہ بندی و ترقی احسن اقبال کی زیر صدارت کراچی واٹر سپلائی کی نگرانی کے لیے قائم اعلیٰ سطحی کمیٹی کا پہلا اجلاس ہوا۔ اجلاس میں کراچی کے تین بڑے منصوبوں،کرلی بگھار فیڈر کنال، کے فور(K4) اور کراچی واٹر اینڈ سیوریج سروسز میں بہتری کے منصوبے (KWSSIP) کو اہم قرار دیا گیا۔وفاقی وزیر نے کہا کہ کراچی میں روزانہ تقریباً 4.75 ملین گیلن پانی ضائع ہو رہا ہے شہر کراچی کے مجموعی پانی کے 42 فیصد کا ضیاع تشویشناک قرار پائے گا، انھوں نے ہدایت دی کہ تمام واٹر پروجیکٹس فعال، مربوط اور ہم آہنگ ہونے چاہئیں تاکہ وفاقی حکومت منصوبوں کی ضروریات کے مطابق بروقت فنڈز جاری کر سکے۔ انہوں نے کہا کہ کسی بھی منصوبے میں تاخیر سے قومی وسائل ضائع ہو سکتے ہیں۔
اہم خبریں سے مزید