• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت کا جنگی جنون عالمی امن کیلئے خطرناک ہے، راغب نعیمی

میرا شہر
لاہور
28 اپریل ، 2025
لاہور(خبرنگار) چیئرمین اسلامی نظریاتی کونسل علامہ ڈاکٹرراغب حسین نعیمی نے جامعہ نعیمیہ میں علماءکرام کے وفود سے گفتگو کرتے ہوئےکہاہے کہ بھارت کاجنگی جنون عالمی امن کےلئے خطرناک ہے۔مدارس دینیہ قومی سلامتی کمیٹی کے فیصلوں کی مکمل حمایت کرتے ہیں۔ قوم ملکی معاملات میں متحد اور پاک فوج کے ساتھ کھڑی ہے۔پانی پاکستان کے لئے زندگی اورموت کامسئلہ ہے اگر بھارت نے پانی روکنے کی کوشش کی تو منہ توڑ جواب ملے گا۔سندھ طاس معاہدہ کے تحت بھارت پاکستان کے حصے کا پانی روک ہی نہیں سکتا۔پاک افواج ہر قسم کی صورتحال سے نمٹنے کے لیے مکمل طور پر تیار ہیں۔ انہوں نے مزید کہاکہ بھارت کی طرف سے دریائے جہلم و چناب کا پانی روکنا اور سندھ طاس معاہدے کو یکطرفہ طور پر معطل کرنا آبی دہشت گردی ہے۔ بھارت اپنی ناکامی پر پردہ ڈالنے کے لئے پاکستان پر الزام لگا کر اپنی ساکھ بچانے کی کوشش کر رہا ہے۔
لاہور سے مزید