• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان: انسداد منشیات کارروائیوں میں کروڑوں روپے کی منشیات برآمد

میرا شہر
کوئٹہ
29 اپریل ، 2025
کوئٹہ(اسٹاف رپورٹر) محکمہ ایکسائز، ٹیکسیشن اینڈ اینٹی نارکوٹکس نے صوبے کے مختلف اضلاع میں کارروائیاں کرتے ہوئےکروڑوں روپے مالیت کی منشیات برآمد کرکے ملزمان کوحراست میں لے کر مقدمات درج کرلئے۔ڈائریکٹر جنرل محمد زمان نے بتایا ہے کہ محکمے نے ایک ہفتے کے دوران بلوچستان کے مختلف اضلاع میں ہونے والی انسدادِ منشیات کارروائیوں میں پسنی سے 19 کلو آئس (شیشہ)،ڈیرہ اللہ یار میں دو الگ کارروائیوں میں 3 کلو 200 گرام پختہ چرس اور ایک کلو آئس، لسبیلہ سے 2 کلو، مستونگ سے 5 کلو، صحبت پور سے 2 کلو، پنجگور سے 9 کلو، سوراب سے 5 کلو، قلات سے 3 کلو 700 گرام، خضدارسے 2 کلو اور ڈیرہ مراد جمالی سے 2 کلو چرس برآمدکرکے تحویل میں لی ہے۔ ڈائریکٹر جنرل ایکسائز ٹیکسیشن اینڈ اینٹی نارکوٹکس کے مطابق انسداد منشیات کیخلاف ہونے والی کاروائیوں کے دوران پختہ چرس، آئس (شیشہ) افیون(opium) اور ہیروئن جیسی خطرناک منشیات برآمد ہونے پر گرفتار ملزمان کے خلاف درجن سے زائد مقدمات درج کئے گئے ہیں۔انہوں نے بتایا کہ بلوچستان کو منشیات جیسے ناسور سے پاک کرنے کے لیے تمام وسائل بروئے کار لائے جارہے ہیں، صوبے میں انسدادِ منشیات کی کارروائیوں کو مزید تیز کیا جائیگا تاکہ نوجوان نسل کو اس لعنت سے بچایا جا سکے۔
کوئٹہ سے مزید