• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وکلاء کا تحفظ اور ان کے وقار کا ہرحال میں دفاع کریں گے، قاری رحمت اللہ

میرا شہر
کوئٹہ
29 اپریل ، 2025
کوئٹہ(اسٹاف رپورٹر)کوئٹہ بار کے صدر قاری رحمت اللہ ایڈووکیٹ نے کہا ہے کہ وکلاء کا تحفظ اور ان کے وقار کا ہرحال میں دفاع کریں گے ، محبوب موسیٰ خیل کے ساتھ پیش آنے والا واقعہ ناقابل قبول ہے ، انتظامیہ نے جانبداری کا مظاہرہ کرتے ہوئے مقدمہ درج کیا ہے اگر یہ مقدمہ واپس نہ لیا گیا تو احتجاج کو مزید وسعت دیں گے ، یہ بات انہوں نے پیر کو کوئٹہ پریس کلب میں پریس کانفرنس کرتے ہوئے کہی ، اس موقع پر بلاول کھوسہ ، سید نصیر آغا ، اصغر مندوخیل ، شمس کاکڑ ، عبید اللہ شیرانی سمیت دیگر وکلاء بھی موجود تھے ۔ انہوں نے کہا کہ محبوب موسیٰ خیل وکیل ہیں ان کے خلاف ناجائز مقدمات کسی صورت برداشت نہیں کریں گے ۔ انہوں نے کہا کہ ضلعی انتظامیہ و دیگر متعلقہ حکام جانبداری سے کام لے رہے ہیں انہیں چاہئے کہ غیرجانبداری کا مظاہرہ کرتے ہوئے حق اور سچ کا ساتھ دیں ۔ انہوں نے کہا کہ وکلاء کے ساتھ زیادتیوں پر کسی صورت خاموش نہیں بیٹھیں گے ، وکلاء کے خلاف ناجائز مقدمات درج کرنا درست اقدام نہیں اس طرح کے اقدامات سے مسائل جنم لیں گے۔
کوئٹہ سے مزید