• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گوشت مہنگا فروخت کرنے والے10قصاب گرفتار، 18 دکانیں سیل

میرا شہر
کوئٹہ
30 اپریل ، 2025
کوئٹہ (خ ن)ضلعی انتظامیہ کی جوائنٹ روڈ پر سرکاری نرخ نامے کے برعکس مہنگا گوشت فروخت کرنے والوں کے خلاف کارروائی کے دوران 18 دکانیں سیل اور 10 قصاب گرفتار کرلئے گئے ۔تفصیلات کے مطابق ضلعی انتظامیہ نے جوائنٹ روڈ پر گوشت فروشوں کے خلاف کارروائی کرتے ہوئے سرکاری نرخنامے کی خلاف ورزی پر 18 دکانوں کو سیل جبکہ 10 قصابوں کو گرفتار کرلیا۔سیل کی گئی دکانوں میں حمزہ بیف شاپ، شیرانی بیف شاپ، فقیرہ بیف مٹن شاپ، صادق بیف شاپ، حمید بیف مٹن شاپ، شہزاد مٹن بیف شاپ، ناصر لانگو بیف شاپ، ندیم لانگو بیف مٹن شاپ، ماشا اللہ اونٹ گوشت شاپ، چاکر مٹن شاپ، سمین قریشی (سدا بہار پولٹری)، محمد اکرم لانگو بیف مٹن شاپ، عجب خان بیف مٹن شاپ، محمد کریم مٹن شاپ، لانگو مٹن، مستحکم مٹن اینڈ پولٹری، محمد گل لانگو اور حسین بیف شامل ہیں۔ضلعی انتظامیہ کا کہنا ہے کہ عوام کو ریلیف فراہم کرنے کے لئے سرکاری نرخنامے پر عملدرآمد یقینی بنایا جا رہا ہے اور خلاف ورزی کرنے والوں کے خلاف کارروائیاں جاری رہیں گی۔
کوئٹہ سے مزید