• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اس وقت پوری قوم پاکستانی افواج کی پشت پر ہے، سردار محمد یوسف

آج کا اخبار
اہم خبریں
03 مئی ، 2025
اسلام آباد( نمائندہ جنگ) وفاقی وزیر برائے مذہبی امور سردار محمد یوسف نے کہا ہے کہ اس وقت پوری قوم پاکستانی افواج کی پشت پر ہے،پاکستان کی فوج نے ہمیشہ ملک کی سالمیت کی حفاظت کی ہے اور ہم ان کے شانہ بشانہ کھڑے ہیں۔ ہم ہر قربانی کے لیے تیار ہیں ، پاکستان ایک مذہبی اور ثقافتی طور پر بہت غنی ملک ہے جہاں ہر طبقہ اور فرقہ اپنے عقیدے کے مطابق زندگی گزارنے کی آزادی رکھتا ہے۔ اس وقت پاکستان ایک نازک دور سے گزر رہا ہےلیکن ہمیں یقین ہے کہ ہم اپنی افواج اور قوم کی یکجہتی کے ذریعے ان تمام مشکلات کا مقابلہ کر سکتے ہیں۔ پاکستان کی فوج نے ہمیشہ ملک کی سالمیت کی حفاظت کی ہے اور ہم ان کے شانہ بشانہ کھڑے ہیں۔ ہمیں اپنے قومی مفادات کے لئے ہر قسم کی قربانی دینے کا عزم کرنا ہوگا۔ ہم سب کو مل کر اپنے ملک کو مضبوط، خودمختار اور پرامن بنانا ہے۔
اہم خبریں سے مزید