• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلعی انتظامیہ کی دکانی بابا چوک اور رئیسانی روڈ پر تجاوزات کیخلاف کارروائی

میرا شہر
کوئٹہ
10 مئی ، 2025
کوئٹہ(خ ن)ضلعی انتظامیہ نے سریاب روڈ توسیع منصوبے کے تحت دکانی بابا چوک اور رئیسانی روڈ پر بڑے پیمانے پر تجاوزات کے خلاف آپریشن کیا۔ اسسٹنٹ کمشنر سریاب سعد بن کلیم نے ایس ڈی او اور دیگر متعلقہ اداروں کے ہمراہ کارروائی کی آپریشن کے دوران سریاب روڈ کے اطراف میں قائم غیر قانونی تعمیرات اور دکانوں کو مکمل طور پر مسمار کر دیا گیا، جو کہ سڑک کی توسیع میں رکاوٹ بن رہی تھیں۔ اس موقع پر اسسٹنٹ کمشنر سریاب نے میڈیا سے گفتگو کرتے ہوئے کہا کہ سریاب روڈ کو شہریوں کے لیے کشادہ اور خوبصورت بنانا حکومت کی اولین ترجیحات میں شامل ہے۔ تجاوزات کو برداشت نہیں کیا جائے گا۔انہوں نے کہا کہ ضلعی انتظامیہ نے متعدد مرتبہ عوام کو آگاہی دی اور غیر قانونی قابضین کو ازخود تجاوزات ہٹانے کے لیے مہلت دی گئی ، مگر مقررہ مدت کے بعد کارروائی عمل میں لانا ناگزیر ہو گیا تھا۔کارروائی کے نتیجے میں بڑی مقدار میں سرکاری زمین واگزار کرائی گئی ہے جو کہ سریاب روڈ کی توسیع میں استعمال ہوگی۔ اس منصوبے کی تکمیل سے ٹریفک کی روانی بہتر ہوگی اور حادثات میں کمی آئے گی شہریوں کو آمد و رفت میں سہولت میسر ہوگی۔ ضلعی انتظامیہ نے واضح کیا کہ یہ کارروائیاں بلا امتیاز جاری رہیں گی اور کسی قسم کے دباؤ یا مداخلت کو برداشت نہیں کیا جائے گا۔
کوئٹہ سے مزید