• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بارش اور وضو کے پانی کو دوبارہ قابل استعمال لانے کا منصوبہ

آج کا اخبار
اہم خبریں
30 جون ، 2025
کراچی (اسٹاف رپورٹر) بارش اور وضو کے پانی کو دوبارہ قابل استعمال لانے کا منصوبہ ،گلبرگ ٹاؤن کی جانب سے مون سون بارشوں سے قبل شروع کیے گئے رین واٹر اور وضو واٹر ہارویسٹنگ سسٹم نے حالیہ بارشوں میں شاندار نتائج دیے ہیں اس منصوبے کے تحت شہری علاقوں میں پانی کے فوری نکاس، ٹریفک کی روانی اور ماحولیاتی توازن میں نمایاں بہتری دیکھی گئی ہےیہ جدید سسٹم فیڈرل بی ایریا کے بلاک 6، 10، 11 اور 20 میں قائم کیا گیا، جبکہ SDG پارک میں ایک ماڈل پروجیکٹ کے طور پر اس پر خصوصی کام کیا گیا، جہاں اقوامِ متحدہ کے 9 پائیدار ترقیاتی اہداف (SDGs) پر عملی اقدامات جاری ہیں۔اس منصوبے کی منصوبہ بندی اور عملدرآمد چیئرمین گلبرگ ٹاؤن نصرت اللہ کی نگرانی میں ہوا، جنہوں نے NED یونیورسٹی کے تحقیقی ادارے کا دورہ کیا اور معروف ماہرِ آبی وسائل ڈاکٹر عمران احمد اور ان کی ٹیم سے رہنمائی حاصل کی۔ڈاکٹر عمران احمد نے اس موقع پر کہا کہ رین اور وضو کے پانی کو محفوظ کر کے دوبارہ استعمال میں لانا ماحولیاتی پائیداری، آبی خود کفالت اور شہری ترقی کے لیے کلیدی حیثیت رکھتا ہےواٹر ہارویسٹنگ سسٹم کے ذریعے بارش اور وضو کا پانی زمین میں جذب کیا جا رہا ہے، جس سے زیر زمین پانی کی سطح میں بہتری متوقع ہے۔
اہم خبریں سے مزید