فرمان الہی
نماز کے اوقات
خوبرو اداکارہ یمنیٰ زیدی کی ڈیبیو فلم ’نایاب – نام یاد رکھنا‘ نے عالمی سطح پر کامیابیوں کے جھنڈے گاڑ دیے۔
چین کے شہر یانگ ژو میں منعقدہ شنگھائی تعاون تنظیم (SCO) فلم فیسٹیول 2025ء میں پاکستانی فلم نے میلا لوٹ لیا۔
گزشتہ برس جنوری میں ریلیز ہونے والی فلم ’نایاب – نام یاد رکھنا‘ نے اسپیشل جیوری ایوارڈ اپنے نام کرلیا۔
فیسٹیول 3 تا 7 جولائی 2025ء یونگچوان، چونگچنگ، چین میں منعقد ہوا۔
فلم ’نایاب — نام یاد رکھنا‘ کے ہدایتکار عمیر ناصر علی اور اداکار اسامہ خان نے اسپیشل جیوری کا ایوارڈ وصول کیا۔
فلم فیسٹیول شنگھائی تعاون تنظیم کے تحت چین کی میزبانی میں منعقد کیا گیا، جس کا مقصد خطے کی 10 رکن ریاستوں اور 2 مبصر ممالک کے درمیان ثقافتی اشتراک اور فلمی تعاون کو فروغ دینا تھا۔
