فرمان الہی
نماز کے اوقات
ترجمان امریکی محکمہ خارجہ ٹیمی بروس نے بانی پی ٹی آئی عمران خان سے متعلق سوال کا باضابطہ جواب دینے سے ہی گریز کر دیا۔
ٹیمی بروس سے پوچھا گیا تھا کہ آیا بانی پی ٹی آئی کے جیل میں قید ہونے کو امریکا پاکستان کا داخلی معاملہ سمجھتا ہے؟
ٹیمی بروس نے صحافی سے کہا کہ اگر اس پر ٹرمپ انتطامیہ کا مؤقف جاننا ہو تو ترجمان وائٹ ہاؤس کیرولائن لیویٹ سے پوچھ لیں۔
واضح رہے کہ 20 مارچ کو بھی امریکی محکمہ خارجہ نے پاکستان کے سابق وزیر اعظم عمران خان کی قید سے متعلق سوالات پر براہ راست جواب دینے سے گریز کیا تھا۔
صحافی نے سوال کیا تھا کہ کیا امریکی صدر ٹرمپ عمران خان کو ’پارلیمنٹ میں اکثریتی نشستوں کے ساتھ مقبول ترین رہنما‘ کے طور پر جیل میں ڈالے جانے کے حوالے سے ’کسی قسم کا اقدام‘ کریں گے۔
عمران خان سے متعلق کسی بھی چیز کا براہ راست ذکر کیے بغیر ٹیمی بروس نے واضح طور پر کہا تھا کہ وہ کسی دوسرے ملک کے اندرونی فریم ورک پر تبصرہ نہیں کریں گی۔
