• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ حکومت اُمید، امن اور یکجہتی کے وژن پر گامزن، وزیراعلیٰ

آج کا اخبار
اہم خبریں
13 جولائی ، 2025
کراچی ( اسٹاف رپورٹر) وزیراعلیٰ سندھ سید مراد علی شاہ نے کہا ہےکہ سندھ حکومت اُمید، امن اور یکجہتی کے وژن پر گامزن ہے،عالمی یومِ اُمید کے موقع پر اپنے پیغام میں انھوں نے کہا ہے کہ اُمید وہ چراغ ہے جو مایوسی، ناامیدی اور اندھیروں میں روشنی لاتا ہے اور یہی احساس فرد، خاندان اور معاشرے کی بہتری کا سبب بنتا ہے۔ وزیراعلیٰ سندھ نے کہا کہ معاشرے میں برداشت، بھائی چارے اور بہتری کے لیے ہمیں مشترکہ طور پر کام کرنا ہوگا۔ ہماری نوجوان نسل پاکستان کے روشن مستقبل کی اُمید کی ایک کرن ہے اور سندھ کے نوجوان تبدیلی کے معمار ہیں۔ ہمیں اُنہیں رہنمائی، حوصلہ اور مواقع دینے چاہئیں۔ انہوں نے کہا کہ یومِ اُمید کے موقع پر ہم سب کو چاہیے کہ اپنی مثبت سوچ کو عملی اقدامات میں بدلیں اور اپنے آس پاس کے لوگوں کے لیے اُمید کا ذریعہ بنیں۔ چھوٹے اقدامات بھی بڑے فرق پیدا کر سکتے ہیں اور آج کسی کی زندگی میں اُمید کی شمع جلانا ایک بڑی خدمت ہوگی۔
اہم خبریں سے مزید