• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان کی گلوبل سیولائزیشن کانفرنس میں شاندار شرکت

آج کا اخبار
اہم خبریں
13 جولائی ، 2025
 اسلام آباد (جنگ نیوز)پاکستان کی گلوبل سیولائزیشن کانفرنس میں شاندار شرکت کی، وزیر مملکت ثقافت و قومی ورثہ حذیفہ رحمان نے چین کو پاک چائنہ ثقافتی کوریڈور شروع کرنے کی دعوت دیدی، دنیا کے 140ممالک کے مندوبین، کئی سابق سربراہانِ مملکت و وزرائے ثقافت کی موجودگی میں پاکستان کا مؤثر انداز میں مقدمہ پیش کیا۔ وزیرِ مملکت ثقافت و قومی ورثہ حُذیفہ رحمان نے چین کے دارالحکومت بیجنگ میں ہونے والی دنیا کی سب سے بڑی اور پہلی بین الاقوامی گلوبل سیولائزیشن کانفرنس میں پاکستان کی نمائندگی کی۔ اس تاریخی اجلاس میں دنیا بھر سے 140 ممالک و خطوں کے 600 سے زائد مندوبین نے شرکت کی، جن میں روس، انڈونیشیا، ملائشیا، بنگلہ دیش، جاپان، فرانس، سری لنکا، بلغاریہ اور دیگر اہم ممالک کے وزرائے ثقافت و سیاحت شامل تھے۔ کانفرنس میں چین کی کمیونسٹ پارٹی کے اعلیٰ ترین رہنماؤں، سابق صدور، وزرائے اعظم اور عالمی تھنک ٹینکس کے نمائندوں نے بھی بھرپور شرکت کی، جس سے اس کی بین الاقوامی اہمیت اور اثر پذیری واضح ہوتی ہے۔حُذیفہ رحمان نے پاکستان کی نمائندگی کرتے ہوئے بھرپور انداز میں پاکستان کا مقدمہ پیش کیا، اور اپنی پُراثر تقریر میں بتایا کہ پاکستان تہذیبوں کی سرزمین ہے — وادیٔ سندھ، گندھارا آرٹ، بدھ مت کے آثار، اور صوفی روایات کا گہوارہ۔ اُنہوں نے عالمی برادری بالخصوص چین کو دعوت دی کہ وہ پاکستان میں سیاحت، تہذیبی تحقیق، اور قومی ورثے کی بحالی میں سرمایہ کاری اور شراکت داری کرے۔“پاکستان میں تہذیب، ثقافت، اور قومی ورثے کے فروغ کے بے پناہ مواقع موجود ہیں۔
اہم خبریں سے مزید