• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی ادارہ امراض قلب میں مبینہ کرپشن تحقیقاتی کمیٹی پر ٹرانسپیرنسی انٹرنیشنل کے تحفظات

آج کا اخبار
اہم خبریں
13 جولائی ، 2025
کراچی (اسٹاف رپورٹر) قومی ادارہ امراض قلب میں اربوں کی مبینہ کرپشن کی تحقیقات کے لئے محکمہ صحت کی بنائی گئی کمیٹی پر ٹرانسپیرنسی انٹرنیشنل پاکستان نے تحفظات کا اظہار کر دیا ہے ۔ ٹرانسپیرنسی انٹرنیشنل نے وزیر صحت سندھ ڈاکٹر عذرا پیچوہو کو مکتوب لکھ کر انکوائری کمیٹی پر تحفظات کا اظہار کیا۔ مکتوب کے مطابق محکمہ صحت سندھ کی تشکیل کردہ انکوائری کمیٹی جونئیر افسران پر مشتمل ہے، جو ایک سینئر افسر کے خلاف آزادانہ تحقیقات نہیں کر سکتی۔ ٹرانسپیرنسی انٹرنیشنل نے سفارش کی کہ گریڈ 20 کے کم از کم پانچ سینئر افسران پر مشتمل نئی انکوائری کمیٹی قائم کی جائے تاکہ شفاف تحقیقات ممکن بنائی جا سکیں۔مکتوب کے مطابق ڈائریکٹر جنرل آڈٹ سندھ کی رپورٹ میں مالی سال 24-2023ء کے دوران اربوں کی مبینہ کرپشن کا الزام لگایا گیا۔
اہم خبریں سے مزید