فرمان الہی
نماز کے اوقات
کراچی ( اسٹاف رپورٹر ) ضلع جنوبی اور شرقی میں اب تک 44مخدوش عمارتوں کو مکینوں کی حفاظت کی خاطر خالی کرالیا گیا ،پہلے مرحلہ میں 68 عمارتوں کو گرایا جائے گا ،مخدوش عمارت کو منہدم کرنے سےپہلےکمشنر کراچی یا ڈائریکٹر جنرل ایس بی سی اے کی منظوری درکار ہو گی ،کمشنر کراچی سید حسن نقوی کی زیر صدارت ان کے دفتر میں منعقد اجلاس میں بعدمخدوش عمارتوں کو خالی کرانے اور گرانے کے جاری کام کا تفصیلی جائزہ لیا گیا، اجلاس کو بتایا گیا کہ ضلع جنوبی اور شرقی میں اب تک 44 مخدوش عمارتوں کو مکینوں کی حفاظت کی خاطر خالی کرالیا گیا ہے، ڈپٹی کمشنرجنوبی جاوید نبی کھوسو نے اجلاس کو بتایا کہ ضلع جنوبی میں 41عمارتوں کو خالی کرایا گیا ہے جبکہ ان میں دس تاریخی عمارتیں بھی شامل ہیں، انھوں نے بتایا کہ سندھ بلڈنگز کنٹرول اتھارٹی کی جانب سے انتہائی مخدوش قرار دی جانے والی 59 عمارتیں شامل ہیں ، ڈپٹی کمشنر شرقی ابرار جعفر نے بتایا کہ ضلع شرقی میں بلڈنگز کنٹرول اتھارٹی نے9 عمارتیں انتہائی مخدوش قرار دی تھیں جن میں سے دو عمارتیں خالی کرالی گئی ہیں، گلستان جوہر میں واقع ایک عمارت مالک نے خود منہدم کرنے کا کام شروع کر دیا ہے،علاوہ ازیں پی آئی بی کالونی میں واقع عمارت کی پانچویں منزل کو گرایاجا رہا ہے جسے انتہائی مخدوش قرار دیا گیا تھا، مجموعی طور پر سندھ بلڈنگز کنٹرول اتھارٹی کی جانب سے مخدوش قرار دی جانے والی 588 میں سے 68 عمارتوں کو انتہائی مخدوش قرار دیا گیا ہے پہلے مرحلہ میں ان 68 عمارتوں کو خالی کرایا اور منہدم کیا جاے گا۔
