فرمان الہی
نماز کے اوقات
ممبئی (مانیٹرنگ ڈیسک )بمبئی ہائی کورٹ نے اہم فیصلے میں2006ءکے ممبئی ٹرین دھماکوں میں سزا یافتہ تمام 12مسلمان افراد کو بری کر دیا‘ عدالت نے قرار دیا کہ استغاثہ کے دلائل میں تضادات تھے اور شواہد ناکافی تھے‘ اعترافی بیانات ناقابل اعتماد تھے اور واقعات کی کڑیاں مکمل نہیں تھیں‘استغاثہ ان کے خلاف الزامات ثابت کرنے میں بری طرح ناکام رہا‘یہ یقین کرنا مشکل ہے کہ ملزمان نے یہ جرم کیا ۔ بھارتی اخبارکی رپورٹ کے مطابق جسٹس انیل ایس کلور اور جسٹس شیام سی چندک پر مشتمل خصوصی ڈویژن بینچ نے مہاراشٹرا کنٹرول آف آرگنائزڈ کرائم ایکٹ (ایم سی او سی اے) کے تحت قائم خصوصی عدالت کے 2015 کے فیصلے کو کالعدم قرار دے دیا، جس نے 5ملزمان کو سزائے موت اور 7 کو مختلف دفعات کے تحت عمر قید کی سزا سنائی تھی۔12میں سے ایک ملزم کمال احمد محمد وکیل انصاری 2021 میں ناگپور جیل میں قید کے دوران کورونا وبا کا شکار ہوکر انتقال کر گیا تھا۔
