• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گنڈاپور کا بجلی ڈیوٹی خاتمے پر وزیر توانائی اویس لغاری کو خط

آج کا اخبار
اہم خبریں
22 جولائی ، 2025
پشاور(این این آئی) وزیراعلیٰ خیبر پختونخوا علی امین گنڈاپور نے بجلی ڈیوٹی سے متعلق وفاقی وزیر توانائی اویس لغاری کو خط لکھ دیا۔ خط میں کہا گیا کہ مشترکہ مفادات کونسل کی منظوری کے بغیر بجلی ڈیوٹی کی منسوخی غیرقانونی ہے‘ بجلی ڈیوٹی ختم کرنے سے قبل صوبے سے مشاورت نہیں کی گئی‘ صوبے کو آئین کے تحت بجلی پر ٹیکس لگانے کا حق حاصل ہے اور بجلی تقسیم کرنے والی کمپنیاں بجلی ڈیوٹی جمع کرانیکی پابند ہیں۔ خط میں کہا گیا کہ صوبے کو میٹرنگ‘بلنگ اور بجلی چوری پر ہدایات دینے کا اختیار حاصل ہے‘ خط میں کہا گیا کہ پیسکو، ٹیسکو اور ہزارہ الیکٹرک سپلائی کمپنی کو کے پی کے قوانین کی پیروی کرنی ہوگی، قانونی طورپر بجلی تقسیم کرنے والی کمپنیاں ہی بجلی ڈیوٹی وصول کرنے کی مجاز ہیں‘وزیراعلیٰ نے کہاکہ پاور ڈویژن بجلی ڈیوٹی ختم کرنے کے فیصلے پر نظرثانی کرے، خیبرپختونخوا آئینی حدود میں رہ کر مذاکرات کے لیے تیار ہے، یک طرفہ فیصلہ وفاق اور صوبے کے درمیان ٹکراؤ کو جنم دے سکتا ہے۔
اہم خبریں سے مزید