فرمان الہی
نماز کے اوقات
کراچی ( اسٹاف رپورٹر) سندھ فوڈ اتھارٹی نے کہا ہےکہ دودھ اور چائے کی پتی میں ملاوٹ کی شکایت پر دودھ اور چاے کی پتی کے نمونے جمع کئے جا رہے ہیں، کمشنر کراچی سیدحسن نقوی کی زیر صدارت ان کے دفتر میں منعقد اجلاس میں تمام اضلاع اور سب ڈویثرن کی کارکردگی کے بارے میں بریفنگ میں بتایا گیا کہ 13 جولائی تا 19 جولائی کے دوران 131 گراں فروشوں کے خلاف کارروائی کی گئی جس میں گیارہ لاکھ رروپے سے زائد جرمانہ عائد کیا گیا ،ضلع جنوبی میں بارہ گراں فروشوں کے خلاف ایک لاکھ 99 ہزار ،ضلع شرقی میں 14 گراں فروشوں پر تین لاکھ 37 ہزار،ضلع وسطی میں 17 گراں فروشوں پر ایک لاکھ 71 ہزار،ضلع غربی میں 13 گراں فروشوں پر 57 ہزار، ضلع ملیر میں 30 گراں فروشوں پر ایک لاکھ 17 ہزار ،ضلع کورنگی میں 31 گراں فروشوں پر دو لاکھ روپےجبکہ ضلع کیماڑی میں 30 گراں فروشوں پر 66 ہزار روپے جرمانہ عاید کیا گیا، رپورٹ کے مطابق اسسٹنٹ کمشنرز نے 1514مقامات پر قیتیں چیک کیں، اجلاس میں سبزیوں اور فروٹس کی قیمتوں کے تعین کا جائزہ لیا گیا،آلو اور پیاز کے آکشن کے نظام پر عدم اطمینان کا اظہار کیا، کمشنر نے کہا کہ شہریوں کوریلیف فراہم کرنے کے لئے سبزی اور فروٹس کی قیمتوں کے تعین کا نظام بہتر بنانے کی ضروت پر زور دیا ،انھوں نے مارکیٹ کمیٹی کو ہدایت کی کہ وہ مناسب قیمتوں کے تعین کے لئے اپنا کردار ادا کرے۔
