• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بنوں، ایف سی نے چیک پوسٹ پر دہشت گردوں کا حملہ پسپا کردیا، 6 اہلکار زخمی

آج کا اخبار
اہم خبریں
24 جولائی ، 2025
بنوں(آن لائن)خیبر پختونخوا کے ضلع بنوں کے تختی خیل علاقے میں فرنٹیئر کانسٹیبلری (ایف سی) نے چیک پوسٹ پر دہشت گرددوں کا حملہ ناکام بناتے ہوئے انہیں فرار ہونے پر مجبور کردیا، حملے میں ایف سی کے 6اہلکار زخمی ہو گئے،ایف سی اہلکاروں کے بروقت اور مؤثر جوابی حملے کے باعث دہشت گرد فرار، زخمیوں کوسی ایم ایچ منتقل کردیا گیا ۔ بنوں پولیس کے ترجمان عامر خان نے بتایا کہ دہشت گردوں نے تختی خیل کے سرحدی علاقے میں ایف سی کی چیک پوسٹ پر حملہ کیا۔انہوں نے کہا کہ اس حملے میں ایف سی کے 6اہلکار زخمی ہوئے تاہم ایف سی اہلکاروں کے بروقت اور مؤثر جوابی حملے کے باعث دہشت گرد فرارہو گئے۔عامر خان کے مطابق زخمی اہلکاروں کو طبی امداد کے لیے بنوں میں قائم ملٹری کمبائنڈ ہسپتال منتقل کر دیا گیا ہے۔انہوں نے بتایا کہپولیس کی ٹیمیں جائے وقوعہ پر روانہ کر دی گئی ہیں اور دہشت گردوں کی تلاش کے لیے سرچ آپریشن شروعکر دیا گیا ہے۔
اہم خبریں سے مزید