• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

6 مختلف مقامات پر 1440میٹر طویل لائن بچھائی جائیگی،چیف ایگزیکٹو لیسکو

میرا شہر
لاہور
25 جولائی ، 2025
لاہور(اپنے نامہ نگار سے) ۔چیف ایگزیکٹو لیسکو انجنیئر محمد رمضان بٹ نے کہا ہے کہ 6 مختلف مقامات پر تقریباً 1440 میٹر طویل لائن بچھائی جائے گی، جس میں 45 فٹ کے نئے اسپن پولز اور اسٹیل ڈھانچے بھی شامل ہیں لاہور الیکٹرک سپلائی کمپنی (لیسکو) نے بجلی کی بلا تعطل فراہمی اور تقسیم کے نظام میں بہتری کے لیے ایک اور اہم قدم اٹھاتے ہوئے 11 کے وی COMSET فیڈر کو 220/132KV واپڈا ٹاؤن گرڈ اسٹیشن سے 132KV ڈریم گارڈن گرڈ اسٹیشن پر منتقل کرنے کی منظوری دے دی ہے۔چیف ایگزیکٹو لیسکو انجنیئر محمد رمضان بٹ نے اس ورک آرڈر کی منظوری دیتے ہوئے اسے مالی سال 2025-26 کے منظور شدہ بجٹ کے تحت ترجیحی بنیادوں پر مکمل کرنے کی ہدایت کی ہے۔یہ اقدام SAP-DOP پروگرام کے تحت کیا گیا ہے، جس کا مقصد صارفین کو بہتر، پائیدار اور مستحکم بجلی کی فراہمی کو یقینی بنانا ہے۔منظور شدہ کام کے تحت تقریباً 9.7ملین روپے کی لاگت سے مختلف مقامات پر 11کے وی لائن کی نئی تنصیبات، موجودہ لائنوں کا استعمال، اور نئے پولز و اسٹیل اسٹرکچرز کی تعمیر شامل ہے۔
لاہور سے مزید