فرمان الہی
نماز کے اوقات
گھوٹکی میں ٹک ٹاکر سمیرا راجپوت کی گھر سے لاش ملی ہے۔
ڈپٹی سپرنٹنڈنٹ آف پولیس (ڈی ایس پی) انور شیخ کے مطابق سمیرا کی 15 سالہ بیٹی نے بیان دیا ہے کہ چند افراد زبردستی شادی کیلئے دباؤ ڈال رہے تھے اور میری ماں کو زہر کی گولیاں دے کر قتل کیا گیا۔
ڈی ایس پی انور شیخ کے مطابق گھوٹکی کے علاقے بگو واہ میں خاتون کی لاش گھر سے ملی ہے، خاتون سوشل میڈیا پر ویڈیوز بناتی تھی۔
سمیرا راجپوت کی بیٹی نے پولیس کو بیان دیا کہ چند افراد اس کی ماں پر زبردستی شادی کیلئے دباؤ ڈال رہے تھے، ماں کو زہر دے کر قتل کیا گیا۔
ابتدائی میڈیکل رپورٹ میں تشدد کے شواہد نہیں ملے، واقعے سے متعلق تفتیش کی جا رہی ہے۔
پولیس کا کہنا ہے کہ واقعے کا مقدمہ تاحال درج نہیں ہوا، تحقیقات جاری ہیں، قتل کی وجہ تاحال معلوم نہیں، خاتون کے جسم پر تشدد کے نشانات نہیں، خاتون کی لاش کو پوسٹ مارٹم کے لیے اسپتال منتقل کر دیا گیا ہے۔
پولیس نے دو افراد کو شک کی بنیاد پر حراست میں لے لیا۔
