فرمان الہی
نماز کے اوقات
کراچی(اسٹاف رپورٹر)آسٹریلیا نے تیسرے ٹی 20 انٹر نیشنل میچ میں ویسٹ انڈیز کو 6 وکٹوں سے شکست دیکر پانچ میچوں کی سیریز میں 0-3 سے فیصلہ کن برتری حاصل کرلی آسٹریلیا نے 215 رنز کا ہدف 17 ویں اوور میں ہی مکمل کر کے سیریز اپنے نام کی ٹم ڈیوڈ 37 گیندوں پر 102 رنز بنا کر ناقابل شکست رہے، جبکہ میچل اوون 16 گیندوں پر 36 رنز بنا کر ناٹ آوٹ رہے۔ٹم ڈیوڈ نے آسٹریلیا کی جانب سے ٹی ٹوئنٹی میں تیز ترین نصف سنچری اور تیز ترین سنچری کا ریکارڈ بنایا۔ٹم ڈیوڈ اور مچل اووین کے درمیان پانچویں وکٹ کے لیے 128 رنز کی شاندار شراکت آسٹریلیا کی ٹی20 انٹرنیشنل کرکٹ میں اس وکٹ پر سب سے بڑی پارٹنرشپ بن گئی۔ اس سے قبل یہ ریکارڈ 97 رنز کا تھا جو مچل مارش اور ٹم ڈیوڈ نے قائم کیا تھا۔ڈیوڈ نے نہ صرف آسٹریلیا کے لئے تیز ترین نصف سنچری (16 گیندوں پر) بنائی بلکہ پھر 11 چھکوں کی مدد سے اپنی پہلی ٹی 20 سنچری مکمل کی۔ڈیوڈ نے گڈاکیش موتی کو ایک اوور میں مسلسل چار چھکے مارے جبکہ اگلے اوور میں عقیل حسین کو دو چھکوں اور ایک چوکے مارے۔ روسٹن چیز کے اوور میں انہوں نے تین مزید چھکے لگائے۔ان کے ساتھ نوجوان مچل اووین نے بھی 16 گیندوں پر 36 رنز کی برق رفتار اننگز کھیلی اور دونوں نے پانچویں وکٹ کے لیے صرف 46 گیندوں پر 128 رنز کی شراکت قائم کی۔ویسٹ انڈین کپتان شائی ہوپ نے اپنے کیریئر کی پہلی ٹی20 سنچری بنائی۔ انہوں نے برینڈن کنگ کے ساتھ 125 رنز کا اوپننگ اسٹینڈ قائم کیا۔ ہوپ نے 55 گیندوں پر سنچری مکمل کی، جس میں گلين میکسویل اور ایڈم زیمپا کو نشانہ بنایا۔ ویسٹ انڈیز کی اننگز کا اختتام زیادہ تیزی سے نہ ہو سکا۔ آخری پانچ اوورز میں وہ توقعات کے مطابق اسکور نہ کر سکے۔ شر فین ردرفورڈ نے 13 گیندوں پر صرف 12 رنز بنائے اور ٹیم کی رفتار سست پڑ گئی۔
