کراچی(اسٹاف رپورٹر)رینجرز اور پولیس نے تھانہ بن قاسم کے علاقے میں مشترکہ آپریشن کرتے ہوئے مبینہ طور پر علیحدگی پسندکالعدم جماعت سے تعلق رکھنے والے 2ملزمان زاہد علی مگسی اور عبدالغفور کو گرفتار کرکرکے ایک موبائل فون برآمد کر لیا ، گرفتار ملزمان 27 اپریل اور 22 جون 2025 کو دوران احتجاج سرکاری املاک اور گاڑیوں کو نقصان پہنچانے میں ملوث ہیں، ترجمان سندھ رینجرز کے مطابق آپریشن شرپسند ملزم عطاء اللہ شر کی موجودگی کی اطلاع پر عمل میں لایا گیا تھا،گرفتار ملزمان کاٹھور لنک روڈ پر پولیس کی گاڑی کوآگ لگانے میں ملوث ہیں،ملزمان کے مزید 6ساتھی قانون نافذکرنے والے اداروں کے ہاتھوں پہلے ہی گرفتار ہو چکے ہیں۔