فرمان الہی
نماز کے اوقات
کراچی(اسٹاف رپورٹر)وزیراعلیٰ سندھ سید مراد علی شاہ نے کہا ہے کہ سندھ پولیس کے تاریخی میراث کو پاکستان کی دوسری سب سے بڑی فورس قرار دیا، جس میں 162,000اہلکار اور ملک کے سب سے زیادہ پولیس شہدا 2,549 کا تعلق سندھ سے ہے جو کئی دہائیوں سے خدمات اور قربانیوں کی عکاسی کرتی ہے۔ کچے کے علاقے میں لاقانونیت کی وجہ دشوار گزار راستے اور قبائلی تنازعات کی وجہ سے جرائم پیشہ افراد کی پناہ گاہ ہے،ان خیالات کا اظہار انھوں نےوزیراعلی ہاؤس میں سول سروس اکیڈمی کے افسران اور اعلی حکام سے ملاقات کے دوران قانون نافذ کرنے والے اداروں میں اصلاحات، عوامی بہبود اور سیلاب متاثرین کی بحالی کے حوالے سے ایک جامع وژن کا خاکہ پیش کرتے ہوئے کیا ،مراد علی شاہ نے سیکیورٹی نظام کی جدت اور بہتری پر زور دیا تاکہ مستقبل میں صوبے کو پیش آنے والے چینلجز سے نمٹا جاسکے۔
