• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان کے مختلف اضلاع میں 100 سے زائدواٹر فلٹریشن پلانٹس فعال

میرا شہر
کوئٹہ
31 جولائی ، 2025
کوئٹہ( اسٹاف رپورٹر) بلوچستان کے مختلف اضلاع میں صاف پانی کی فراہمی کے لیے واٹر فلٹریشن پلانٹس کو فعال بنانے کا عمل تیزی سے جاری ہے۔ اب تک 100 سے زائد پلانٹس کو فعال کر دیا گیا ہے۔پراجیکٹ ڈائریکٹر سی ڈی ڈبلیو اے سید رحمت اللہ کے مطابق صوبائی وزیر پی ایچ ای سردار عبدالرحمن کھیتران اور سیکرٹری پی ایچ ای ہاشم غلزئی کی خصوصی ہدایات پر اب تک کوئٹہ، پشین، دُکی، لورالائی، اوستا محمد اور کچھی کے علاقوں میں فلٹریشن پلانٹس مکمل فعال کر دیئے گئے ہیں جبکہ آئندہ چند دنوں میں مزید 50 پلانٹس کو فعال کر دیا جائے گا۔ ڈائریکٹر سی ڈی ڈبلیو اے نے کہا کہ عوام کو صاف اور میعاری پینے کے پانی کی فراہمی حکومت کی اولین ترجیح ہے، اور اس مقصد کے لیے تمام وسائل بروئے کار لائے جا رہے ہیں۔
کوئٹہ سے مزید