فرمان الہی
نماز کے اوقات
اسلام آباد(کامرس رپورٹر )پاک امریکا تعلقات ڈیجیٹل معیشت کے نئے دور میں داخل ہو گئے ،قانون سازی ، باہمی تعاون مزید فروغ دینے پر متفق ,وزیر مملکت برائے کرپٹو اور بلاک چین، بلال بن ثاقب، اور صدر ڈونلڈ ٹرمپ کی ڈیجیٹل اثاثہ جات پر مشاورتی کونسل کے ایگزیکٹو ڈائریکٹر، بو ہائنز، کے درمیان جمعہ کو ملاقات ہوئی ۔
اس ملاقات میں کرپٹو پالیسی پر عالمی سطح پر ہم آہنگی اور پاکستان کے’ ویب تھری انوویشن ‘ کا مرکز بننے کے منصوبوں پر تفصیلی تبادلہ خیال کیا گیاجس میں پیشرفت ہوئی ۔
یہ ملاقات ایسے وقت میں ہوئی جب امریکا نے اپنی ڈیجیٹل اثاثہ جات فریم ورک کا اجراء کیا، جو بین الاقوامی سطح پر ڈیجیٹل معیشت کے لیے قانون سازی کا ایک سنگِ میل قرار دیا جا رہا ہے، اس موقع پر دونوں فریقین نے کرپٹو قانون سازی میں اشتراکِ عمل اور باہمی تعاون کو مزید فروغ دینے پر اتفاق کیا۔
بلال بن ثاقب نے گفتگو میں پاکستان کی قومی کرپٹواسٹریٹجی، واسپ لائسنسنگ فریم ورک، اور مختلف معاشی و صنعتی شعبوں میں بلاک چین ٹیکنالوجی کے اطلاق پر روشنی ڈالی،یہ ملاقات بلال بن ثاقب کے حالیہ دورۂ امریکہ کا تسلسل ہے،جہاں انہوں نے جون میں سینیٹر سنتھیا لمس، سینیٹر ٹم شہی ، سینیٹر رک اسکاٹ، نیو یارک سٹی کے میئر ایرک ایڈمز اور دیگر اعلیٰ امریکی حکام سے اہم ملاقاتیں کیں۔
