• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پٹرول کی قیمت میں 150 روپے فی لیٹر تک کمی کی جائے، عوام کا مطالبہ

آج کا اخبار
اہم خبریں
02 اگست ، 2025
اسلام آباد(آئی این پی) پاکستانی عوام نے پٹرول کی قیمت میں کمی کو ناکافی قرار دیتے ہوئے مطالبہ کیا کہ قیمت میں 150روپے فی لیٹر تک کمی کی جائے۔تفصیلات کے مطابق وفاقی حکومت کی جانب سے پیٹرول کی قیمت میں کمی پر عوامی ردعمل آگیا، شہریوں نے پٹرول کی قیمت میں کمی کو ناکافی قرار دیتے ہوئے شدید ردعمل دیا ہے۔کراچی، لاہور، پشاور اور فیصل آباد سمیت مختلف شہروں کے عوام کا کہنا ہے کہ عالمی منڈی میں تیل کی قیمتوں میں واضح کمی کے باوجود پاکستان میں ریلیف محدود اور وقتی ہوتا ہے۔کراچی کے شہریوں کا کہنا تھا، "پہلے 20 روپے بڑھا کر اب 7 روپے کم کر دیے، اس سے کیا فائدہ؟ ایک اور شہری نے شکوہ کیا کہ "قیمتیں کم کر کے چند دن بعد دوبارہ بڑھا دی جاتی ہیں۔لاہور کے شہریوں نے حکومت سے مطالبہ کیا کہ پٹرول کی قیمت میں 150 روپے فی لیٹر تک کمی کی جائے تاکہ حقیقی ریلیف مل سکے۔پشاور کے شہریوں نے کہا، "کمی پر خوشی تو ہے لیکن 7 روپے سے ریلیف نہیں ملے گا، جبکہ بین الاقوامی منڈی میں خام تیل سستا ہو رہا ہے اور یہاں پٹرول مہنگا ہو رہا ہے۔
اہم خبریں سے مزید