• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لیاقت باغ سے ملحقہ آبادیوں میں تعفن کی شکایات کو سنجیدگی سے لیا جائے کمشنر

میرا شہر
اسلام آباد
05 اگست ، 2025
راولپنڈی (اپنے رپورٹرسے)راولپنڈی ویسٹ مینجمنٹ کمپنی کے زیر انتظام لیاقت باغ ٹرانسفر اسٹیشن سے کچرے کی روزانہ بنیادوں پر منتقلی کو ہر صورت یقینی بنایا جائے تاکہ شہر کی صفائی میں کوئی خلل نہ آئے۔ ٹرانسفر سٹیشن سے ملحقہ آبادیوں میں تعفن کی شکایات کو سنجیدگی سے لیا جائے، اس مقصد کے لیے ٹرانسفر سٹیشن کی چار دیواری کو بلند کیا جائے اور بدبو کے خاتمے کے لیے فوری اقدامات کیے جائیں۔یہ ہدایات کمشنر راولپنڈی عامر خٹک نے راولپنڈی ویسٹ مینجمنٹ کمپنی کے زیر انتظام لیاقت باغ ٹرانسفر اسٹیشن کےدورہ کے موقع پر جاری کیں۔انہوں نے صفائی کی مجموعی صورتحال، کوڑے کی منتقلی اور سٹیشن سے ملحقہ علاقوں میں صفائی کے انتظامات کا جائزہ لیا۔ سی ای او راولپنڈی ویسٹ مینجمنٹ کمپنی رانا ساجد صفدر نے کمشنر راولپنڈی کو ادارے کی جاری سرگرمیوں پر تفصیلی بریفنگ دی۔ عامرخٹک نے کہا کہ ولیج کمیٹیوں کو فوری طور پر فعال کیا جائے تاکہ صفائی اور دیگر سرگرمیوں کی مؤثر مانیٹرنگ ممکن ہو سکے۔ صفائی مہم کا دائرہ صرف شہری علاقوں تک محدود نہ رکھا جائے بلکہ دیہی علاقوں میں بھی اس کا اثر نمایاں ہونا چاہیے۔
اسلام آباد سے مزید