فرمان الہی
نماز کے اوقات
دبئی سے سنگاپور جانے والی فلائٹ کی بزنس کلاس میں مبینہ طور پر بیگ چرانے والے ایک مسافر کو گرفتار کر لیا گیا۔
گرفتار شخص 25 سالہ چینی شہری ہے اور اسے ساتھ سفر کرنے والے مسافر کے اوور ہیڈ کمپارٹمنٹ سے بیگ چرانے پر سنگاپور میں الزامات کا سامنا ہے۔
سنگاپور کے میڈیا کے مطابق پولیس کا کہنا ہے کہ 9 اگست کی صبح ساڑھے 5 بجے انہیں اس حوالے آگاہ کیا گیا تھا۔
ابتدائی تفتیش سے انکشاف ہوا ہے کہ جس مسافر کا بیگ چرایا گیا وہ سویا ہوا تھا، اس کی اہلیہ نے ملزم کو اوور ہیڈ کمپارٹمنٹ میں رکھے اس کے شوہر کے بیگ کو اٹھاتے ہوئے دیکھا جس پر اس نے فوری طور پر اسے روکا اور کہا کہ اس بیگ کو واپس وہی رکھے جہاں یہ تھا۔
جس کے بعد اس نے اپنے شوہر کو جگا کر معاملے سے آگاہ کیا، یہ معلوم نہیں ہو سکا ہے کہ یہ واقعہ کس ایئر لائن پر پیش آیا۔
پولیس کے مطابق جب طیارہ سنگاپور کے چانگی ایئر پورٹ اترا تو مذکورہ بالا شخص بیگ اٹھانے کے حوالے سے پولیس کو مطمئن نہ کر سکا جس پر اسے گرفتار کر لیا گیا۔
