کوئٹہ(اسٹاف رپورٹر)سندھ کے وزیر توانائی سید ناصر حسین شاہ اور جنرل سیکرٹری پی پی پی سندھ سینیٹر وقار مہدی سے اتوار کو پیپلز پارٹی بلوچستان کے رہنماوں انجینئر ہادی عسکری ، ملک عیسیٰ خان ہزارہ ، حاجی زمان ہزارہ ، محمد علی ہزارہ اور جنرل سیکرٹری خواتین ونگ کوئٹہ ڈویژن عہدیہ بتول ہزارہ نے ملاقات کی ، ملاقات کے دوران ملک اور خاص طور پر بلوچستان کی سیاسی صورتحال ، بلوچستان میں تنظیمی امور اور بلوچستان حکومت کی کارکردگی پر تبادلہ خیا ل کیا گیا ۔ اس موقع پر انجینئر ہادی عسکری نے سید ناصر حسین شاہ اور سینیٹر وقار مہندی کو بلوچستان کے دورے کی دعوت بھی دی ۔