• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوبائی پارلیمانی پاپولیشن فورم کی دو روزہ ورکشاپ اختتام پذیر

میرا شہر
پشاور
14 اگست ، 2025
پشاور(جنگ نیوز)صوبائی پارلیمانی پاپولیشن فورم (PPPF) کی دو روزہ ورکشاپ سوات کے ایک نجی ہوٹل میں اختتام پذیر ہو گئی۔ یہ ورکشاپ اقوام متحدہ کے پاپولیشن فنڈ (UNFPA) کے تکنیکی تعاون سے منعقد ہوئی، جس کا مقصد خیبر پختونخوا میں خاندانی منصوبہ بندی کے پروگرام کو مضبوط بنانے اور صوبے کے آبادی سے متعلق ایجنڈے کو آگے بڑھانے کے لیے ترجیحی قانون سازی اور بجٹ تقاضوں کی نشاندہی کرنا تھاورکشاپ میں چیئرمین PPPF رکن صوبائی اسمبلی افتخار اللہ جان، ارکان صوبائی اسمبلی شیر علی آفریدی، شفیع جان، عبد الکبیر خان اور تاج محمد خان کے علاوہ صوبائی اسمبلی ک اسپیشل سیکرٹری (ایڈمن) و سیکرٹری فورم سید وقار شاہ نے شرکت کی۔ورکشاپ کے اختتام پر شرکاء نے ترجیحی فہرست اور ایکشن پلان کو حتمی شکل دی اور اس بات پر اتفاق کیا گیا کہ آبادی کے ایجنڈے کو صوبائی اسمبلی کی سطح پر ترجیح دی جائے گی، قومی و بین الاقوامی کمٹمنٹس پر فالو اپ کو یقینی بنایا جائے گا، اور مطلوبہ قانون سازی کے لیے عملی اقدامات کیے جائیں گے۔
پشاور سے مزید