فرمان الہی
نماز کے اوقات
اسلام آباد(خالد مصطفیٰ ) بین الاقوامی مارکیٹ میں تیل کی قیمتوں میں کمی کے پیش نظر 16 اگست 2025 سے اگلے پندرہ دن کے لیے پیٹرولیم مصنوعات کی قیمتوں میں کمی کا امکان ہے۔
متعلقہ حکام نے ہائی اسپیڈ ڈیزل (HSD) کی قیمت میں 11.75 روپے فی لیٹر کمی کا تخمینہ لگایا ہے۔
دوسری جانب پیٹرول کی قیمت میں 1.32 روپے فی لیٹر اضافے کا امکان ہے۔ مٹی کے تیل کی قیمت میں 6.25 روپے اور لائٹ ڈیزل آئل کی قیمت میں 7.11 روپے فی لیٹر کی کمی متوقع ہے۔
عالمی توانائی ایجنسی کی جانب سے اس سال اور اگلے سال تیل کی بڑھتی ہوئی اضافی مقدار کی پیشگوئی کے بعد، WTI خام تیل کے فیوچرز دو ماہ کی کم ترین سطح 62.7 ڈالر فی بیرل تک گر گئے۔
اگر ان تجاویز کو منظور کر لیا جاتا ہے، تو HSD کی نئی قیمت 282.83 روپے سے کم ہو کر 274.08 روپے فی لیٹر ہو سکتی ہے۔
