پشاور (لیڈی رپورٹر)سعودی عرب کے انسانی ہمدردی کے ادارے کنگ سلمان ریلیف سینٹر کی جانب سے خیبر پختونخوا کے مستحق اور قدرتی آفات سے متاثرہ افراد کے لیے غذائی امداد کی فراہمی شروع کر دی گئی ہے یہ منصوبہ نیشنل اور پروونشل ڈیزاسٹر مینجمنٹ اتھارٹیز کے تعاون سے فوڈ سیکیورٹی سپورٹ پروجیکٹ (مرحلہ سوم) کے تحت شروع کیا گیا ہے، اس منصوبے کے تحت خیبر پختونخوا کے 11اضلاع میں 10,000فوڈ پیکجز تقسیم کیے جا ئیں گے جبکہ بونیر، بٹگرام، تورغر، شانگلہ، دیر بالا،لوئر اور اپر چترال اور لوئر کوہستان کے علاقوں میں 8000فوڈ پیکجز مستحق خاندانوں کو فراہم کیے جا چکے ہیں، اورباقی 2000فوڈ پیکجز کی تقسیم کا عمل جلد ہی لوئر دیر، اپر کوہستان اور کولائی پالس میں جلد مکمل کر لیا جائے گا۔ ہر فوڈ پیکج کا وزن 95کلوگرام ہے، جس میں 80کلو آٹا، 5 لیٹر کوکنگ آئل، 5کلو چینی، اور 5کلو دال چنا شامل ہیں۔