• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت سندھ، کے پی سیلاب متاثرین کیلئے امدادی اشیاء کے 10 ٹرک روانہ

آج کا اخبار
اہم خبریں
17 اگست ، 2025
کراچی ( اسٹاف رپورٹر) سندھ حکومت کی جانب سے خیبر پختونخوا میں سیلاب سے متاثرہ خاندانوں کیلئے راشن بیگ اور دیگر ضروری اشیائے خوردونوش سے لدے10ٹرک روانہ کردیئے گئے، تفصیلات کے مطابق وزیراعلیٰ سندھ سید مراد علی شاہ نے خیبر پختونخوا میں سیلاب سے متاثرہ خاندانوں کے لیے واٹر فلٹریشن پلانٹ ، راشن بیگ اور دیگر ضروری اشیائے خوردونوش سے لدے 10 ٹرک روانہ کردیئے۔مرادعلی شاہ نے حالیہ سیلاب سے متاثرہ خیبرپختونخوا اور گلگت بلتستان کے لوگوں کے ساتھ یکجہتی کا اظہار کرتے ہوئے سندھ حکومت کی جانب سے فوری امدادی اقدامات کا اعلان کیا۔وزیراعلیٰ نے خیبرپختونخوا حکومت سے رابطے کے بعد چیف سیکرٹری آصف حیدر شاہ کو ان کی ضروریات کے مطابق واٹر فلٹریشن پلانٹ کے پی بھیجنے کی ہدایت کی اور سیلاب سے متاثرہ خاندانوں کے لیے راشن بیگ اور دیگر ضروری اشیائے خوردونوش سے لدے 10 ٹرک فوری روانہ کرنے کا حکم دیا۔
اہم خبریں سے مزید