• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اب مافیا کیخلاف مقدمات درج کروائے جائینگے،ڈی جی فوڈاتھارٹی

میرا شہر
لاہور
17 اگست ، 2025
لاہور (خصوصی رپورٹر) ڈی جی فوڈاتھارٹی عاصم جاوید نے کہا ہے کہ وارننگ، جرمانے، عارضی بندش بہت ہوگئی؛ اب مافیا کیخلاف مقدمات درج کروائے جائیں گے،ملاوٹ مافیا کے خلاف سخت ایکشن ضروری ہے، تمام وسائل بروئے کار لائے جارہے ہیں، بڑے ناموں کے پھیکے پکوان، لاہور میں 6 معروف فوڈ انڈسٹریز کو 10 لاکھ جرمانہ عائد کیا گیا جبکہ 1مشہور بیورجز فیکٹری بند کر دی گئی، ڈی جی فوڈاتھارٹی عاصم جاوید کا فوڈ سیفٹی ٹیموں کے ہمراہ لاہور بھر میں کریک ڈاؤن ، چیکنگ کے دوران 2من شہد،مصالحہ جات،کیمیکلز تلف کر دیے گئے، سابقہ دی گئی ہدایات پر عمل درآمد نہ ہونے پر ایکشن لیا گیا،سٹوریج پروسیسنگ ایریا میں مکھیاں، چھپکلیاں، چوہے، فنگس زدہ دیواریں پائی گئیں، گندے فرش، ٹوٹی ٹائیلیں، حشرات کی روک تھام کے لیے مناسب اقدامات نہ تھے، ڈی جی فوڈاتھارٹی نے کہا آئسکریم انڈسٹری میں لیکج کے باعث خام مال متاثر پایا گیا،ملازمین کے میڈیکل، ٹریننگ سرٹیفکیٹس عدم موجود پائے گئے،پروسیسنگ ایریا میں ایکسپائر اشیاء موجود، الگ سیکشن نہ بنایا گیا تھا،فوڈ انڈسٹریز میں ناقص انتظامات، ایکسپائر اشیاء کی برآمدگی انتہائی نامناسب عمل ہے، ڈی جی فوڈ اتھارٹی کا کہنا تھا تمام اضلاع میں معروف فوڈ انڈسٹریز سے لیکر چھوٹے ڈھابے تک کی ما نیٹرنگ کی جارہی ہےمارکیٹ میں شہریوں کو عمدہ کوالٹی اشیاء کی دستیابی کے لیے فیلڈ آپریشنز جاری ہیں۔
لاہور سے مزید