فرمان الہی
نماز کے اوقات
کراچی (اسٹاف رپورٹر) دبئی میں جمعے کی شب قومی کر کٹ ٹیم کے کھلاڑیوں نے پریکٹس میچ کھیلا ، ٹیموں کو آغا اور حارث الیون کا نام دیا گیا، اس موقع پر میڈیا سے گفتگو میں فاسٹ بولر شاہین شاہ آفریدی نے کہا ہے کہ ٹی20 کرکٹ میں کوئی ٹیم آسان نہیں ہوتی، ایشیا کپ میں بڑا میچ ہے، تیاری کافی اچھی ہو رہی ہے۔ ٹیم میں یکجہتی سے متعلق باتیں باہر سے سنتے ہیں، لیکن اصل میں ایسا کچھ بھی نہیں ہے، فیملی میں بھی چھوٹی چیزیں ہو جاتی ہیں، بابر اعظم اور محمد رضوان ورلڈ کلاس پلیئر ہیں، دونوں نے اچھی کرکٹ کھیلی ہے، آئندہ بھی کھیلیں گے۔3 ملکی سیریز بھی ایشیا کپ کے لیے مدد گار ثابت ہوگی ۔ اس سے پہلے کبھی ٹیم اتنی جلدی تیاری کیلئے نہیں آئی ہو گی۔ پہلا ٹارگٹ 3 ملکی سیریز ہے۔ یہ نوجوان بھی ہمارے کھلاڑی ہیں، انہیں سپورٹ کرنا چاہے۔
