فرمان الہی
نماز کے اوقات
کراچی(اسٹاف رپورٹر)پاکستان شاہینز نیپال کو سنسنی خیز مقابلے میں ایک رن ہراکر ٹاپ اینڈ ٹی ٹوئنٹی سیریز کے سیمی فائنل میں پہنچ گئی ۔ جمعے کو ڈارون آسٹریلیا میں شاہینز نے 9 وکٹوں پر144 رنز بنائے۔ ناکام ٹیم7 وکٹوں پر 143 رنز بناسکی۔ پاکستان شاہینز کے کپتان محمد عرفان خان 3 چوکوں اور ایک چھکے کی مدد سے 42 رنز بناکر ناٹ آؤٹ رہے۔ عبدالصمد ایک چوکے اور ایک چھکے کی مدد سے 26 اور محمد وسیم جونیئر ایک چھکے اور دو چوکوں کی مدد سے 23 رنز بناکر آؤٹ ہوئے۔ سومپال کامی نے 30 رنز دے کر تین ، نندن یادو اور دیپندرا سنگھ نے دو ،دو کھلاڑیوں کو آؤٹ کیا۔ نیپال کی اننگز میں کپتان روہیت کمار نے ایک چھکے اور چھ چوکوں کی مدد سے 52 اور آصف شیخ نے 27 رنز اسکور کیے۔ اسے آخری اوور میں 8 جبکہ آخری گیند پر 3 رنز درکار تھے۔ آخری گیند پر دیپندرا سنگھ41 رنز کی عمدہ اننگز کھیل کر رن آؤٹ ہوگئے۔ وسیم جونیئر اور فیصل اکرم نے دو دو وکٹیں حاصل کیں۔ وکٹ کیپر غازی غوری نے دو اسٹمپڈ کیے اور دو رن آؤٹ میں بھی وہ شریک تھے۔
