فرمان الہی
نماز کے اوقات
کرا چی (اسٹاف رپورٹر) جنوبی افریقا نے دوسرے ون ڈے میچ میں آسٹریلیا کو 84 رنز سے شکست دے کر ون ڈے سیریز اپنے نام کرلی۔ پروٹیز نے کینگروز کو مسلسل 5ویں ون ڈے سیریز میں زیر کیا ہے۔ میکے آسٹریلیا میں جنوبی افریقا کے د ئیے گئے 277 رنز کے تعاقب میں ہوم ٹیم 37.4 اوورز میں 193 رنز پر سمٹ گئی، پروٹیز کو تین میچوں کی سیریز میں فیصلہ کن برتری حاصل ہوگئی۔ جوش انگلس 87 رنز کی اننگز ٹیم کے کام نہ آسکی، کیمرون گرین 35 ،کپتان مچل مارش 18 اور الیکس کیری 13 رنز بنا سکے۔جنوبی افریقا کی جانب سے لنگی انگیڈی نے پانچ کھلاڑیوں کو پویلین کی راہ دکھائی، نندرے برگر اور سینورن نے دو، دو کھلاڑیوں کو آؤٹ کیا۔ جنوبی افریقا نے پہلے بیٹنگ کرتے ہوئے 49.1 اوورز میں 277 رنز بنائے تھے، میتھیو بریٹزکی 88 ، ٹرستن اسٹبس 74 ، ٹونی ڈی زورزی 38 رنز بناکر آؤٹ ہوئے،کیشو مہاراج 22 رنز بنا کر ناٹ آؤٹ رہے ۔ آسٹریلیا کے ایڈم زمپا نے تین ، نیتھن ایلس اور مارنوس لبوشین نے دو، دو وکٹیں حاصل کیں۔
