فرمان الہی
نماز کے اوقات
امریکی اخبار نے دعویٰ کیا ہے کہ امریکا کے صدر ڈونلڈ ٹرمپ کو ٹکا سے جواب دینے اور نوبیل امن انعام کے لیے نامزد کرنے سے گریز کے سبب ٹرمپ مودی تعلقات میں تناؤ بڑھا۔
امریکی اخبار نے یہ بات واشنگٹن اور نئی دہلی میں درجنوں اہم شخصیات کے انٹرویوز کی بنیاد پر کہی ہے۔
امریکی اخبار کے مطابق ڈونلڈ ٹرمپ نے 17 جون کو بھارتی وزیراعظم نریندر مودی کو ٹیلیفون کیا اور مودی کو فخریہ انداز میں پاک بھارت جنگ رکوانے کی بات کہی۔
رپورٹ کے مطابق ڈونلڈ ٹرمپ نے مودی کو بتایا کہ پاکستان نوبیل امن انعام کے لیے کے لیے نامزد کرنے والا ہے، ٹرمپ چاہتے تھے کہ مودی بھی انہیں نوبیل امن انعام کے لیے نامزد کریں۔
امریکی اخبار کی رپورٹ کے مطابق مودی نے صدر ٹرمپ کو بتایا کہ امریکی مداخلت کا جنگ بندی سے تعلق نہیں ہے، مودی کا دعویٰ تھا کہ معاملہ بھارت اور پاکستان نے براہ راست حل کیا تھا۔
رپورٹ کے مطابق ٹرمپ مودی تنازعہ ہی بھارت اور امریکا کے درمیان تجارتی بات چیت پر اثرانداز ہوا۔
