فرمان الہی
نماز کے اوقات
ریاض (شاہدنعیم) سعودی وزارتِ دفاع کا کہنا ہے’ مصر میں فوجی مشق برائٹ اسٹار’النجم الساطع 2025‘ کا آغاز ہوگیا، سعودی عرب دوست و برادر ممالک کے دستوں کے ساتھ شریک ہے۔مسلح افواج کی تربیت اور اپ گریڈیشن کے نگران اعلیٰ بریگیڈیئر عادل البلوی نے بتایا کہ ’مشترکہ مشقوں کا مقصد مختلف عسکری شعبوں میں تعاون کو فروغ دینا اور باہمی تجربے سے مستفض ہونا ہے۔انہوں نے مزید کہا کہ’ قومی عسکری دستے زمینی مشقوں کے مختلف مراحل میں شرکت کریں گے جس سے ان کی پیشہ ورانہ صلاحیت کو بھی فروغ ملے گا اور شریک ممالک کے دستوں کے ساتھ ہم آہنگی میں بھی اضافہ ہوگا۔واضح رہے عسکری مشق ’النجم الساطع 2025‘ مصر کے محمد نجیب بیس پر ہو رہی ہے جس کا مرکزی ہدف دہشتگردی سے نمٹنے کےلیے کارروائیاں، غیرروایتی جنگ، لاجسٹک سپورٹ اور بحری سلامتی کے علاوہ طبی انخلا کے آپریشنز کیے جائیں گے۔فوجی مشق برائٹ سٹار میں شریک دستے لائیو ایمبونیش کے ساتھ فائرنگ کی مشق اور ہنگامی حالات سے نمٹنے کی بھی مشقیں کریں گے۔
