• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیئرمین اوگرا کی ماہانہ تنخواہ 15 لاکھ، ممبر آئل و ممبر فنانس کی 10 لاکھ روپے سے زائد

آج کا اخبار
اہم خبریں
02 ستمبر ، 2025
اسلام آباد ( عاطف شیرازی) چئیرمین اوگرا کی ماہانہ تنخواہ 15لاکھ روپے جبکہ ممبر آئل وممبر فنانس کی ماہانہ تنخواہ 10لاکھ روپے سے زائد ہے ،ڈاکٹر الیاس فضل لاجسٹک ایڈوائزر اور  اعجاز سڈل ریفائنری ایڈوائزر کا ماہانہ معاوضہ 8لاکھ  ، گزشتہ روز ممبر قومی اسمبلی آغار فیع کے سوال پر وزیر انچارج برائے کابینہ ڈویژن کی جانب سے قومی اسمبلی کو تحریری طور پر آگاہ کیا گیا کہ اوگرا نے اپنے انتظامی میٹنگ نمبر2022-23میں آرڈیننس2002کی سیکشن 14 کے تحت ایڈوائزر کے عہدوں کی منظوری دی۔ڈاکٹر الیاس فضل لاجسٹک ایڈوائزر رکھے گئے جن کا ڈاؤن اسٹریم میں 42 سال کا تجربہ ہے اور ان کا ماہانہ معاوضہ 8لاکھ روپے ہے یہ کنٹریکٹ پر ہیں ، اعجاز سڈل ریفائنری ایڈوائزر ہیں جن کی ماہانہ تنخواہ 8لاکھ روپے بریگیڈیئر شہباز سیکورٹی ایڈوائزر ہیں ان کا پاک فوج میں 35 سال کاتجربہ ہے ان کی ماہانہ تنخواہ 8 لاکھ روپے ہےان کے کنٹریکٹ کی مدت 12-2-25 کو ختم ہورہی ہے ،ابتدائی طور پر ایک سال کے کنٹریکٹ پر ایڈوائزر رکھے گئے ہیں لیکن تین سال کے لیے توسیع ممکن ہے ، چئیرمین اوگرا ایس پی ایس سکیل کا ہوتا ہے جس کا ماہانہ معاوضہ 15لاکھ روپے ہے جبکہ ان کی تنخواہ سے چار لاکھ 97ہزار روپے سے زائد ٹیکس کٹوتی ہوتی ہے، اسی طرح ممبر فنانس اور ممبر آئل کی تنخواہ 10لاکھ چار ہزار 960 روپے ماہانہ جن پر ٹیکس کی شرح 2لاکھ77ہزا 1500 روپے ہے ۔
اہم خبریں سے مزید