• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نالہ لئی سمیت دیگر مقامات پر سیلابی ریلے آنے کا خدشہ

میرا شہر
اسلام آباد
03 ستمبر ، 2025
راولپنڈی ( اپنے رپورٹرسے)محکمہ موسمیات اور پی ڈی ایم اے نےراولپنڈی اور گردونواح میں شدید بارشوں کی پیش گوئی کی گئی ہے جس کے نتیجے میں نالہ لئی سمیت دیگر مقامات پر سیلابی ریلے آنے کا خدشہ ہے۔ تمام محکمے بارشوں سے قبل تمام حفاظتی انتظامات مکمل کریں، واسا اور سول ڈیفنس نالہ لئی اور دیگر نالوں کی مسلسل نگرانی کریں اور بروقت صفائی کو یقینی بنائیں۔اس بات کا اظہار کمشنر راولپنڈی ڈویژن عامر خٹک نے بارشوں اور ممکنہ سیلابی صورتحال کے حوالے سے اجلاس میں کیا۔انہوں نے ریسکیو 1122 اور سول ڈیفنس کے عملے کو ہائی الرٹ رہنے اور تمام دستیاب مشینری اور آلات فیلڈ میں رکھنے کی ہدایت کی۔انہوں نے کہا کہ جہلم پر منگلا اور اٹک میں انڈس ریور کی سطح پر بھی قریبی نگرانی رکھی جائے، کسی بھی ہنگامی صورتحال میں بروقت ریلیف فراہم کرنے کے لیے ریسکیو پلان پر عمل کیا جائے۔ بارشوں کے بعد ڈینگی کی افزائش کا خطرہ بڑھ سکتا ہے ۔ کہیں بھی کھڑا پانی جمع نہ ہونے دیا جائے۔ شہری بھی بارش کے بعد اپنے گھروں اور گلی محلوں میں پانی کی نکاسی یقینی بنائیں۔
اسلام آباد سے مزید