فرمان الہی
نماز کے اوقات
اسلام آباد( تنویر ہاشمی )ایف بی آر نے تمباکو کے شعبے میں ٹیکس چوری روکنے اور انفورسمنٹ کو یقینی بنانے کےلیے مانیٹرنگ کمیٹی تشکیل دے دی ، مانیٹرنگ کمیٹی ڈائر یکٹوریٹ آف انٹلی جنس و انوسٹی گیشن اسلام آباد کے ایڈیشنل ڈائر یکٹر اختر عباس کی سربراہی میںکام کرے گی ،جبکہ دیگر ارکان میں سیکنڈ سیکریٹری ارشد عباسی ، عثمان احمد ، کسٹم کلکٹریٹ انفورسمنٹ اسلام آباد کے ڈپٹی کلکٹر مدثر رفیق ، انسپکٹر عمران عارف اور سپاہی محمد حماد ، سلمان چیمہ اور محمد طیب پر مشتمل ہوگی ، سگریٹ کی مانیٹرنگ کےلیے تشکیل دی گئی کمیٹی نامزد کردہ کاروباری جگہوں پر مانیٹرنگ ٹیم مسلسل موجود رہے گی ، خاص طور پر تعطیلات ، رات کی شفٹ اور چھٹی کے بعد مانیٹرنگ کی موثر انداز میں نگرانی کرے گی تاکہ سگریٹ سے ٹیکس چوری کو روکا جاسکے ، یہ کمیٹی مانیٹرنگ ڈیٹا اور مانیٹرنگ ٹیموں کی نگرانی کےلیے اچانک اور بغیر اطلاع کے چھاپے مارے گی۔
